अचम्मः यी हुन १७ महिनादेखि गर्भवती महिला

बेइजिङ, एजेन्सी । चीनकी एक महिलाले १७ महिनादेखि गर्भवती भएको दावी गरेकी छिन् । सामान्यतः गर्भ रहेको नौ महिनामा बच्चा हुने गर्दछ । तर चीनको हुनान प्रान्त बस्ने वाङ शीले भने गत वर्ष फेबु्रअरी देखि आफू गर्भवती भएको दावी गरेकी छिन् ।

नौ महिनामा बच्चा नभएपछि आत्तिएका शीका परिवारले चिकित्सकहरुसँग सम्पर्क गर्दा भ्रुण परिपक्व नभएकोले पर्खिन बताएको समाचारमा उल्लेख छ । १७ महिनासम्म पनि भ्रूण परिपक्व नहुने कुरा केही चिकित्सक मान्न तयार नभएको बताइन्छ । चिकित्सकहरुले भ्रूण परिपक्व नभएकै कारण सिजेरियन अर्थात् अप्रेसन गरेर समेत बच्चा बाहिर निकाल्न नसकिने बताएका छन् । शीले भने १८ महिनासम्म पर्खिने र त्यसपछि परिणामको चिन्ता नगरी अप्रेशन गर्ने बताएकी छिन्